Hyvät vienankarjalan opaštujat ta šuvaiččijat!

Tulkua terveh Starinoja lapšilla vienankarjalakši -projektih 2025–26

Kučumma šilma šörššimäh omua karjalaista arhiivua ta työntämäh – yhen tahi moniehan –
vienankarjalakši ičen kirjutettuo šuarnatekstie, mityttänih starinua tahi runuo Starinoja lapšilla
vienankarjalakši -projektie varoin. Kirjutukšista keryämmä luventakirjan julattavakši verkošša
ošana Päivännoušu-Šuomen yliopisson karjalan kielen elvyttämistä. Pluaniloissa on niise iänikirjan
luatimini.

Vienankarjalaisella starinoimisella on pität perintehet. Šuarnan väki on šuuri. Ne autetah
vaštuamah varattavieki tilantehie ta uušie, vierahie as’s’oja. Starinat neuvotetah ta juohatetah, niijen
keralla on vesselämpi elyä, ne kašvatetah fantazieta. Myö vienankarjalan opaštujat olemma tunten
vienalaisien šuarnojen väkie omašša opaššunnašša. Kirjutetut ta iäneh luvetut starinat
tuttavuššutetah kieleh, šanoih, šanontoih, kehitetäh pakinua.

Karjalan kieli tarviččou uutta starinua. Hyväkši mielekši uutta luvettavua karjalakši šyntyy,
olemma ičeki äijävähä tekstie ka kuotellun tai kirjuttan karjalakši. Tottaše šieki olet kirjuttan
mitänih starinua, šuarnua tahi runuo, mit paššattais kuin lapšilla niin aikuhisillaki! Myö tahtosima
kerätä tukkuh nämä imehnisien kirjutetut starinat kaikkien käyttöh kuin iltastarinakši ta mintäh ei
opaššukšen tuvekši. Tottaše šiulaki himottais ottua ošua täh projektih!
Šuatuloista tekstilöistä kokuomma koko perehen verkkokirjan.

Ken voipi ošallistuo?
 Kaikki, ket tahotah ottua ošua starinaprojektih kirjuttamalla vienankarjalakši.
 Kirjutukšet pitäy kirjuttua karjalakši, ei kiännökšie.
 Kirjutukšien kielentarkissukšen luatiu vienankarjalan opaštaja Päivännoušu-Šuomen
yliopissošta. Ei pie varata kielihairehie!
 Kirjutukšie käytetäh vain Starinoja lapšilla vienankarjalakši -projektissa.
 Kirjuttajilla ei makšeta palkkivuo.

Kuin voipi ošallistuo?
 Kirjutuš on oman ičen tahi joukolla kekšitty šuarna, starina, runo tahi laulu.
 Kirjutukšet voijah olla lyhyččäisie tahi vähän pitempieki.
 Kirjutukšien miärä ošallistujua kohti ei ole rajotettu.
 Projekti pitäy oikevuon kirjutukšen käyttöh projektissa.

Kunne, kuin ta konša kirjutukšet työnnetäh?
 Kirjutukšet työnnetäh šähköpoštičči.
 Kirjutukšie voipi työntyä yhen kerralla tahi ušiemman yheššä.
 Kirjutukšet otetah vaštah š-poštissa: heidipgilhooly@gmail.com
 Kirjutukšie voipi ruveta työntämäh heti, ta niitä otetah vaštah 15.01.2026 šuaten.

Liitä jokahiseh kirjutukšeh:
 oma nimi ta šähköpoštiadressi (ollou še eri, kušta työnnät)
 ollou kirjutuš aikasempah jo missänih julattu (esim. karjalan elvyttämisen blogissa), mainiče
konša ta missä.

Kyšymykših vaštuau Heidi Gilhooly (heidipgilhooly@gmail.com)
Yhtehisruatotervehyisin
Heidi Gilhooly, Pirjo-Liisa Kotiranta, Riitta Martinoff-Hutri ta Johanna Pelling.